Preto de 40 axentes da Garda Civil e numeroso persoal do Hospital Vithas Vigo ofreceron esta tarde un prolongado aplauso a un axente da Garda Civil que o pasado 30 de xuño, foi atropelado en Castelló cando perseguía a dous sospeitosos de roubar nun centro comercial. Hoxe recibiu o alta hospitalaria despois de pouco máis de oito meses ingresado neste centro, ao que chegou tras visitar varios hospitais españois. Os feitos remóntanse ao 30 de xuño de 2023, cando Marcos Troitiño, axente da Garda Civil oriúndo de Pontevedra destinado en Castelló, que se atopaba fóra de servizo, quixo truncar un roubo nun centro comercial da cidade valenciana, con tan mala fortuna que foi atropelado e trasladado, en estado crítico, a un hospital local.

Tras percorrer varios centros hospitalarios da xeografía española, chega o 6 de outubro pasado ao Instituto de Rehabilitación Neurológica de Vithas Vigo, cun trastorno neurocognitivo maior grave (síndrome confusional post traumático). En só unhas semanas, mellorou en todos os procesos cognitivos, púidoselle retirar a traqueostomía e a sonda gástrica. A nivel motor, aos poucos recuperou o control de tronco e logrou manter a sedestación de maneira autónoma e iniciar o traballo de marcha.

Este mércores 12 de xuño de 2024, recibiu o alta hospitalaria, sendo independente en actividades básicas da vida diaria (podendo chegar a ducharse en por si), tragando e comendo con total normalidade e, aínda que require cadeira de rodas para moverse -que se autopropulsa el mesmo-, é capaz de realizar a marcha cun andador e a axuda da fisioterapeuta ou dos seus familiares.

CORREDOR DE HONRA

Cando chegou á planta baixa do Hospital Vithas Vigo, Marcos, a súa muller e a súa filla, de oito anos, atopáronse un corredor de honra formada por preto de 40 axentes de distintos destacamentos da Garda Civil, unha representación da Policía Nacional, e numeroso persoal asistencial e non asistencial do Hospital Vithas Vigo que lle tributaron unha pechada ovación en agradecemento á súa entrega á sociedade civil.

Un dos axentes presentes, dirixiuse ao seu compañeiro para lembrarlle o apoio familiar que recibiu durante todos estes meses, e agradecerlle a dedicación ao servizo público. O capitán da Garda Civil en Vigo entregoulle unha figura en nome de todos os seus compañeiros. Pola súa banda, o director de Enfermaría do Hospital, Óscar Boullosa, agradeceulle a confianza que depositou no hospital e felicitoulle polo seu empeño e fortaleza á hora de loitar para mellorar día a día na súa recuperación persoal.