InicioSociedadeO Sergas obtivo 28 órganos de 10 doantes no que vai de...

O Sergas obtivo 28 órganos de 10 doantes no que vai de ano na área sanitaria viguesa

O responsable do equipo de Transplantes do CHUVI, Lucas Lage, cualificou estes datos de "esperanzadores".

PUBLICADO O

- Advertisement -

Servizo Galego de Saúde (Sergas) obtivo ata 28 órganos e 17 tecidos de 10 doantes na área de Vigo no que vai de ano, incluíndo 16 riles e dous corazóns. Nun comunicado, o Sergas explicou que o hospital Álvaro Cunqueiro xestionou entre xaneiro e maio órganos procedentes de 10 doantes, dous máis que no mesmo período de 2023. Isto permitiu obter 8 fígados, 16 riles, dous corazóns e dous pulmóns, así como 17 tecidos entre córneas, tecido vascular e tecido óseo.

“Estes datos son prometedores e, de seguir esta progresión, poden superar aos 17 doantes de finais de 2023, que permitiron a obtención de 71 órganos e 45 tecidos”, subliñou o Sergas. Ademais, o Cunqueiro obtivo o primeiro corazón que se implanta de doante en asistolia (utilización de órganos de pacientes con dano cerebral catastrófico, enfermidades neurodexenerativas, cardíacas ou respiratorias en fase terminal) nun centro non trasplantador de Galicia, en colaboración coa Coordinación de Transplantes e o equipo de Cirurxía Cardíaca do hospital Puerta del Hierro de Madrid.

O responsable do equipo de Transplantes do CHUVI, Lucas Lage, cualificou estes datos de “esperanzadores”, destacando o “compromiso dos profesionais e equipos cirúrxicos do CHUVI e, sen dúbida, dos doantes e as súas familias, que permiten a realización destas intervencións e prolongar a vida de moitas persoas”. Precisamente este mércores, Día Nacional do Doante, levouse a cabo no hospital unha mesa informativa co fin de ofrecer ao público datos e fomentar a doazón de órganos. A ela acudiu, entre outros, a delegada territorial da Xunta, Ana Ortiz.

ÚLTIMAS

Investigadas 10 persoas por un delito de falsidade documental en Pontevedra

A Garda Civil investiga a un total de 10 persoas como presuntos autores dun...

Arden cinco gabarras na zona industrial de Saxamonde en Redondela

Por fortuna, aínda que o lume estivo preto dunha nave industrial, esta non se...

Transportes prepara a licitación do tramo de AVE O Porriño-Tui e declara “prioritaria” a saída Sur de Vigo

O Ministerio de Transportes e Mobilidade Sustentable avanzou que está "a traballar na preparación...

A UVigo presenta o seu proxecto de metaverso para os seus tres campus

A Facultade de Comunicación do Campus de Pontevedra acolleu este martes a presentación do...