O Servizo de Urxencias do Hospital Vithas Vigo diagnosticou un “raro caso de apendicitis esquerda” nunha paciente de 68 anos, intervida e xa recuperada, segundo informa. Sobre o mesmo, indica que “a localización esquerda do apéndice débese a unha malformación intestinal que se dá nun de cada 500 nacementos, un 0,2 % da poboación”.

Ademais, sinala que o TAC abdominal foi determinante para que o especialista a cargo do caso “diagnosticase a estraña patoloxía e evitar unha peritonitis”. A paciente, de 68 anos, acudiu ao servizo de Urxencias do Hospital Vithas Vigo cunha dor abdominal en flanco esquerdo que persistía durante 24 horas e, finalmente, o TAC permitiu determinar a presenza de “unha anomalía morfolóxica en colon”.