A ‘X da Sorte’ do Porriño, establecemento mixto de venda de lotaría, volveu a facer honra ao seu nome e, un ano máis, a fortuna volveulle a sorrir no Sorteo Extraordinario de Lotaría de Nadal, no que repartiu case un millón de euros en premios maiores, aos que haberá que sumar as ‘pedreas’.
Segundo explicou a Europa Press uno dos seus responsables, Benjamín Martínez, no sorteo deste ano venderon un décimo do premio gordo, o 88.088 (premiado con 400.000 euros), ademais doutro décimo do segundo premio, o 58.303 (premiado con 200.000 euros).
Por outra banda, este punto de venda repartiu ” tamén un total de 62 décimos doutro catro quintos premios (01.568, 57.421, 86.007, e 88.979). En total, en premios maiores o ‘X da Sorte’ deu 972.000 euros, pero a cifra pode dobrarse, segundo Benjamín Martínez, contando as ‘pedreas’.
Este punto mixto de venda agranda así a súa ‘lenda’ de ser o “máis afortunado” de Galicia. De feito, o pasado sábado repartiu 4 premios de lotaría e outros 4 nun sorteo do xoves.
Neste negocio familiar porriñés, no que traballan 5 persoas, deron cinco premios grandes en datas do Nadal só no últimos cinco anos, catro premios do Sorteo Extraordinario de Nadal e un do Sorteo do Neno.
Benjamín Martínez recoñeceu a súa “satisfacción” polo feito de que este negocio puxese o nome do Porriño, “un pobo de 20.00 habitantes”, entre os puntos de España que máis lotaría vende, á altura de administracións como Dona Manolita ou a Bruxa D’Or. “Isto é resultado de moito traballo, de xornadas de 15 horas de luns a domingo, sen descansar un só día”, sinalou, á vez que fixo votos para que a fortuna volva facer parada neste establecemento para o Sorteo do Neno, onde volverán repetirse as “colas quilométricas” das últimas semanas.
