InicioSociedadeDetido un taxista en Cangas por dous delitos de agresión a menores...

Detido un taxista en Cangas por dous delitos de agresión a menores mentres prestaba servizo

O presunto autor dos delitos, de 65 anos de idade, aproveitaría a súa profesión para transportar ás rapazas á súa casa de noite tras saír de festa.

PUBLICADO O

- Advertisement -

Un taxista da comarca pontevedresa do Morrazo foi detido pola Garda Civil de Cangas por dous presuntos delitos de agresión sexual a menores ao tratar de bicalas ou proporlles actos sexuais mentres as levaba a casa. Tal como informou a Benemérita, a investigación iniciouse por unha denuncia presentada por unha das vítimas, na que a menor relataba unha agresión sexual ocorrida no interior dun taxi, mentres se trasladaba de madrugada desde Cangas a Moaña, acompañada dunha amiga.

condutor, despois de deixar a unha delas en casa, detería o coche, comezando a facer comentarios relativos ao físico da menor e á súa roupa, mentres lle acariñaba a perna tentando baixarlle a roupa e propóndolle un acto sexual. O home tamén lle asegurou que se o facía, non lle cobraría a carreira. Nun momento dado, ela finxiu a chamada da súa nai, polo que o home desistiu e deixouna na súa casa, non sen antes advertila de que “non lle buscase un problema”.

segunda vítima, tamén menor de idade, asegurou que o taxista lle pediu que lle dese un bico. En ambos os casos, o presunto autor dos delitos, de 65 anos de idade, aproveitaría a súa profesión de taxista para transportar a menores á súa casa de noite tras saír de festa. O home foi detido e as dilixencias foron postas a disposición do Xulgado de Garda de Cangas, sendo o home posto en liberdade pendente de acudir ao Xulgado cando sexa requirido para iso.

ÚLTIMAS

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...

En busca e captura dous homes que atracaron cunha arma corta un local de hostalaría de Vigo

Buscan a dous homes que atracaron na madrugada deste venres cunha arma corta un local...

O BNG lanza unha ofensiva para evitar a “estafa do PP” de pagar a Abanca 9,3 millóns polo Cine Fraga

O BNG lanzou unha ofensiva institucional para evitar a "estafa do PP" de pagar a Abanca...

Empregados de Benteler lamentan a “política de medo” dun superior que xera “problemas graves de saúde” a compañeiros

Traballadores da empresa auxilar do sector automobilístico Benteler criticaron a "política do medo" levada a cabo, ao...