InicioSociedadeInundacións, árbores caídas e crecida de ríos tras o paso da borrasca

Inundacións, árbores caídas e crecida de ríos tras o paso da borrasca

En Ponteareas o río Tea provocou inundacións en rúas.

PUBLICADO O

- Advertisement -

Estradas con balsas de auga e rúas alagadas son as primeiras incidencias que deixan as crecidas dos ríos en municipios do sur Pontevedra, principal zona afectada polas fortes choivas da madrugada e a mañá deste xoves en Galicia.

Segundo informan a Europa Press fontes do 112 Galicia, a de Pontevedra é a provincia máis afectada polas abundantes precipitacións, o que obrigou á activación dunha alerta laranxa por acumulacións de máis de 80 litros por metro cadrado en 12 horas. No resto de Galicia, fóra da Mariña, o aviso será de nivel amarelo pola caída de 40 litros por metro cadrado.

As primeiras incidencias ocorreron en concellos próximos á fronteira con Portugal. O 112 recibiu varios avisos de particulares por crecidas dalgúns ríos. En Mondariz e Ponteareas, a subida do caudal do Tea provocou inundacións nas rúas. Aínda que polo momento non foron de moita intensidade, a auga si entrou polos baixos dalgunhas vivendas.

A Policía Local de Ponteareas lanzou un aviso a través de redes sociais para informar do corte da estrada que vai a Freixa, polo acceso da N-120 ata o cemiterio de Ribadetea; así como da estrada da Ribeira, en Moreira.

No caso do Rosal, un particular avisou da subida do río Tamuxe. A todo iso súmanse incidencias máis habituais, como caídas de árbores nas vías de circulación.

ÚLTIMAS

Remolcan a un buque portacoches tras sufrir problemas no motor á altura de Monteferro

Dous remolcadores acudiron a axuliar ao buque portacoches 'Grande Atlántico', que se dirixía ao...

Investigan a morte dunha persoa atopada no interior dun coche calcinado no monte de Trasmañó, en Redondela

A Policía Nacional de Vigo investiga a morte dunha persoa que foi atopada no interior dun...

O mosaico romano de Panxón emprende o retorno definitivo a Nigrán despois de 25 anos de exilio

O alcalde de Nigrán, Juan González, recibiu este sábado, nun acto na galería Colnaghi de...

O conselleiro de Sanidade di “non compartir os mantras ideolóxicos” da manifestación de Vigo: “Eu non estiven”

O conselleiro de Sanidade, Antonio Gómez Caamaño, volveu cargar contra os "mantras ideolóxicos" da Plataforma SOS...