InicioSociedadePiden 11 anos de prisión para unha muller acusada de tentar asasinar...

Piden 11 anos de prisión para unha muller acusada de tentar asasinar o seu exmozo en Ponteareas

Colleu o coitelo e cortoulle a caluga "de lado a lado".

PUBLICADO O

- Advertisement -

A sección segunda da Audiencia Provincial de Pontevedra xulga o vindeiro xoves, 28 de setembro, ás 10,15 horas, a unha muller acusada de tentar asasinar o seu exmozo no municipio pontevedrés de Ponteareas, para a que a Fiscalía solicita once anos de prisión.

Segundo recóllese no escrito do Ministerio Fiscal, a procesada mantivo unha relación sentimental coa vítima que finalizou a principios do mes de decembro de 2022. Nese momento, el comunicoulle o seu desexo de concluír a relación e a procesada non aceptou esta decisión, comezando a enviarlle “múltiples audios e mensaxes de texto” a través de WhatsApp para tratar de “mover a súa vontade e lograr que este retomase a relación sentimental con ela”.

Nestas mensaxes, continúa Fiscalía, a procesada díxolle á súa parella que “do amor ao odio hai un paso” e que “se preparase, que o que viría sería moi caro”.

Así, o día 26 de decembro, a acusada presentouse no domicilio da vítima co pretexto de manter unha conversación en persoa sobre a súa situación sentimental. Unha vez na súa vivenda, afirma o escrito de Fiscalía, a procesada preguntoulle se volvería con ela, ao que el contestou cunha negativa.

A continuación, “coa escusa de coller un vaso de auga”, ela acudiu á cociña e colleu un coitelo cunha folla de 10 centímetros que “escondeu cando entrou de novo no salón”, onde se atopaba a vítima vendo a televisión.

Deste xeito, a acusada, “con ánimo de causarlle a morte e aproveitando que el non lle prestaba atención nese momento”, extraeu o coitelo e cortoulle a caluga “de lado a lado”.

Ao sentir o corte, explica o Ministerio Fiscal, a vítima incorporouse e “se volteó cara á procesada”, que “ao non poder continuar cortando o pescozo” comezou a lanzarlle o coitelo “en dirección ao peito coa intención de cravarllo causándolle a morte”.

Por estes feitos, a Fiscalía sinala que procede impor á procesada a pena de dez anos de prisión pola comisión dun delito de asasinato en grao de tentativa e a pena dun ano e cinco meses de cárcere por un delito de acoso.

ÚLTIMAS

Investigan a morte dun vigués tras ser agredido no concerto de Karol G mentres facía unha videochamada coa súa parella

A morte do vigués de 42 anos golpeado tras o concerto de Karol G,...

Máis de 200 persoas gardan un minuto de silencio en Baiona polo veciño falecido no ‘Argos Georgia’

Máis de 200 persoas gardaron na tarde deste mércores un minuto de silencio en...

Malvinas suspende o operativo de busca dos 4 desaparecidos debido ás condicións climáticas

O goberno das Malvinas emite un comunicado sinalando que suspenden temporalmente a busca dos...

Baiona convoca unha “concentración de homenaxe” polo falecemento de Santiago Leyenda no Argos Georgia

Declaracións do alcalde de Baiona, Jesús Almuiña, que convocou unha concentración hoxe ás oito...