InicioSociedadeA CIG denuncia que a "falta total de persoal facultativo" no centro...

A CIG denuncia que a “falta total de persoal facultativo” no centro de saúde de Cangas este venres pola tarde

A falta de persoal provoca que as dúas médicas da PAC teñen que asumir este venres a atención de todas as citas da tarde que non poden ser aprazadas, as urxencias e emerxencias dos veciños de Cangas e de Moaña, ademais da poboación visitante que se atopa na comarca coincidindo coas festas do Cristo.

PUBLICADO O

- Advertisement -

CIG volveu a denunciar este venres a falta de persoal médico en Cangas e sinalou que, á ausencia dunha das tres médicas da PAC, súmase “a falta total de persoal facultativo” no centro de saúde este venres pola tarde. Esta situación supón que “todas as consultas médicas programadas quedan totalmente canceladas”, e que se ten que facer “unha reasignación para cando resulte posible”. Isto, segundo a CIG e na práctica, supón o peche do centro de saúde.

A falta de persoal provoca que as dúas médicas da PAC teñen que asumir este venres a atención de todas as citas da tarde que non poden ser aprazadas, as urxencias e emerxencias dos veciños de Cangas e de Moaña, ademais da poboación visitante que se atopa na comarca coincidindo coas festas do Cristo. Para a CIG, “esta forma de proceder da xerencia da área sanitaria de Vigo representa un auténtico recorte sanitario, posto que, lonxe de ser unha situación eventual, trátase dun feito continuado no que se está amortizando unha praza médica”.

Segundo advertiu o sindicato nacionalista, “estase sobrecargando perigosamente” ao persoal, nun modo de actuar que supón “un castigo en toda regra” por facer pública a “grave situación” da sanidade pública en Cangas, “fronte ás mentiras do Sergas”. Ademais, incidiu, “tamén se está pondo en perigo aos pacientes por atrasos inevitables na asistencia”.

A CIG lembrou que é “habitual” que o equipo médico de Urxencias teña que saír do centro sanitario para atender unha emerxencia, quedando só unha médica na PAC. A pesar da situación, lamentou a central, a postura do Sergas é manter “que a situación está controlada, que a asistencia está plenamente garantida e que se trata de situacións puntuais ou sobrevindas”.

ÚLTIMAS

O pleno extraordinario de aprobación do novo PXOM celebrarase o 26 de maio

O goberno municipal de Vigo fixou para o vindeiro luns 26 de maio o pleno extraordinario...

O xerente da área sanitaria sobre as esperas dun mes para analíticas: “O aumento de peticións de probas é tremendo”

O xerente da área sanitaria de Vigo, Francisco Javier Puente, referiuse este luns ao aumento...

Detido un veciño do Porriño que deu unha malleira a un septuaxenario para roubarlle

O Equipo de Policía Xudicial da Garda Civil de Vigo detivo a un home de 42...

O festival de Cans 2025 arrinca coa retrospectiva internacional a Alejandro Loayza

A XXII edición do Festival de Cans arrinca este martes na aldea do Porriño...