A veda de captura de chopo nas rías de Pontevedra e Vigo irá dende este luns, 17 de xullo, ata o 31 de outubro, ambas as xornadas inclusive. Así figura en senllas resolucións que a Consellería do Mar publica este venres no Diario Oficial de Galicia (DOG).

Durante este período queda prohibida tanto a pesca de baixura como a de recreo. Ademais, as capturas accidentais deberán ser devoltas ao mar. Así mesmo, apúntase que os informes técnicos constatan que a partir do mes de agosto “case a totalidade da captura de choco” é de xuvenís, inferior a 13 centímetros.

Ademais, constátase que a partir do mes de xuño a porcentaxe de individuos xuvenís capturados increméntase nun 80% respecto meses anteriores, nos que se recomenda limitar o emprego das diferentes artes de pesca nas zonas máis interiores das rías.