InicioAdxudicadas as obras da nova pasarela na contorna do colexio Apóstolo de...

Adxudicadas as obras da nova pasarela na contorna do colexio Apóstolo de Soutomaior por case 400.000 euros

A nova pasarela será de plástico reciclado, cunha anchura de paso libre de dous metros, nos que se incluirán os correspondentes elementos de protección lateral, que terán unha altura de 1,1 metros.

PUBLICADO O

- Advertisement -

A Consellería de Infraestruturas e Mobilidade da Xunta de Galicia adxudicou por algo máis de 395.000 euros a execución das obras da nova pasarela peonil na estrada autonómica PO-244, situada na contorna do colexio Santiago Apóstolo, no concello pontevedrés de Soutomaior.

Tal como informou o Goberno galego, será Construcións e Obras Taboada Ramos a encargada de levar a cabo os traballos, que se iniciarán no verán para que estean terminados no primeiro trimestre de 2024, xa que contan cun prazo de seis meses.

Este contrato pretende a reposición da pasarela de madeira situada na marxe dereita desta estrada, no tramo comprendido entre os puntos quilométricos 12+300 e 12+480. Actuarase no tramo destinado a circulación peonil, formado por unha pasarela de madeira sobre pilotes do mesmo material.

A nova pasarela será de plástico reciclado, cunha anchura de paso libre de dous metros, nos que se incluirán os correspondentes elementos de protección lateral, que terán unha altura de 1,1 metros.

Todo iso debido a que na actualidade o conxunto de madeira atópase “bastante deteriorado”, polo que se considera necesaria a súa substitución, de maneira que se garanta a seguridade dos cidadáns.

ÚLTIMAS

40 axentes homenaxean a un compañeiro da Garda Civil que estivo un ano nun hospital tras un atropelo

Preto de 40 axentes da Garda Civil e numeroso persoal do Hospital Vithas...

Juan Carlos I chega de novo a Peinador para regatear en Saxenxo

Tal e como se esperaba, o rei emérito Juan Carlos I aterrou este mércores...

O PP critica que Caballero non explicase as súas “chapuzas e irregularidades” tras un ano do concerto de Guns N’Roses

O PP de Vigo lamentou que pasase xa un ano do concerto do grupo Guns N'Roses...

Arquivan a causa contra o chofer do autobús accidentado en Cerdedo-Cotobade onde faleceu un rapaz de Nigrán en 2022

O xulgado de instrución número 1 de Pontevedra ditou o sobresemento da causa contra...