InicioSociedadePiden 5 meses de prisión a un pai por consentir "con pasividade...

Piden 5 meses de prisión a un pai por consentir “con pasividade e desidia” o abstentismo escolar da súa filla

PUBLICADO O

A Fiscalía pide 5 meses e medio de prisión para un pai ao que acusa dun delito de abandono de familia, ao consentir que a súa filla menor, sen xustificación, faltase a clase no instituto no que estaba matriculada, incumprindo as súas obrigacións como titular da patria potestade da nena.

Segundo o escrito de acusación pública, o pai (que será xulgado este mércores na sala do Penal 3 de Vigo) tiña a custodia exclusiva da súa filla de 16 anos, e “incumpriu consciente e deliberadamente os deberes que, como titular da patria potestade lle correspondían”.

Así, como titular desa patria potestade, debería “atender e garantir debidamente a formación integral e a educación da súa filla” pero, aínda que a matriculou en 2º da ESO no curso 2020-21 nun instituto de Vigo, consentiu “con pasividade e desidia” que só acudise “uns días” a clase entre setembro e outubro de 2020, e que deixase de ir completamente desde novembro ata o final dese curso.

Todo iso “sen causa de xustificación algunha”, e sabendo que a súa filla, dese modo, non podería ser avaliada, “como finalmente acabou sucedendo”. Por iso, a Fiscalía acúsao dun delito de abandono de familia e pide que sexa condenado a 5 meses e medio de prisión, con inhabilitación especial para o exercicio da patria potestade por tempo de 3 anos.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...