InicioSociedadeOs traballos na VAC Tui-A Guarda obrigan a cortar o tráfico nun...

Os traballos na VAC Tui-A Guarda obrigan a cortar o tráfico nun tramo da A-55 a noite do xoves ao venres

Como alternativa, desviarase o tráfico pola estrada autonómica PO-340

PUBLICADO O

Os traballos de execución nun treito da Vía de Alta Capacidade (VAC) Tui-A Guarda, obrigarán a cortar o tráfico nun tramo da A-55 na noite do xoves ao venres Segundo informou a consellería de Infraestruturas e Mobilidade, as obras no treito entre as ligazóns de Areas e a autovía A-55 obrigarán a cortar o tráfico entre os puntos quilométricos 29+100 e 30+600 da autovía. O corte durará desde as 22,00 horas do xoves ás 6,00 horas do venres.

Nestes momentos está a traballarse a ritmo intenso na zona e o corte de tráfico farase para proceder á montaxe das vigas metálicas do paso superior, en forma de glorieta, sobre a autovía, para dar servizo aos ramais da A-55, ao ‘tronco’ da VAC e á conexión coa estrada N-551. Para facer esa montaxe con total seguridade, deberá cortarse o tráfico de forma total nese tramo da autovía, e en ambas as calzadas.

Como alternativa, desviarase o tráfico pola estrada autonómica PO-340 desde a saída 29 en sentido Portugal, e continuarase a circulación pola N-550 e a N-551 polo termo municipal de Tui. O percorrido será o mesmo en sentido O Porriño, aínda que á inversa. A Xunta prevé pór en servizo o tramo da VAC entre as ligazóns da A-55 e Areas a mediados deste ano, tras un investimento de 21 millóns de euros.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...

O cadáver da muller achada nunha maleta presenta unha puñalada e aínda non puido ser identificada

A autopsia realizada ao cadáver da muller achada dentro dunha maleta nunha leira abandonada...