O Concello de Arbo xunto con asociacións de afectados presentan alegacións contra unha liña de alta tensión

"O Concello de Arbo, as asociacións afectadas e o veciños de Arbo seguimos mantendo a postura de rexeitamento deste trazado polo municipio", sentenciaron afectados e Concello.

Imaxe do alcalde de Arbo na reunión con veciños.. CONCELLO DE ARBO

O Concello de Arbo e as asociacións afectadas acaban de remitir á Secretaría de Estado de Enerxía do Goberno de España alegacións en contra da liña de alta tensión. Tras coñecerse a resolución do Executivo central, o goberno local e dúas asociacións afectadas procederon a interpor recurso de alzada con respecto ao extremo relativo ao outorgamento de autorización administrativa previa.

Segundo lamentou o Concello nun comunicado, existe unha “ampla contestación social” por parte dos veciños do municipio con respecto da implantación da citada infraestrutura nos termos proxectados por Rede Eléctrica, que mantén a liña de forma aérea. “O Concello de Arbo, as asociacións afectadas e o veciños de Arbo seguimos mantendo a postura de rexeitamento deste trazado polo municipio”, sentenciaron.