Este mesmo xoves Nigrán ponse de gala para inaugurar NASAS , un novo centro comercial no polígono empresarial de Porto do Molle.
E para este evento inaugural, o Grupo Inmobiliario López Real Inversiones 21 (LR21), promotor do citado centro comercial, optou por convidar ao ex dirixente de Ciudadanos Albert Rivera, o ex-ministro de Interior Angel Acebes, o cantante Bertín Osborne, a súa ex-parella Fabiola Martínez (directora de marketing da empresa promotora LR21), o torero Fran Rivera e a humorista Paz Padilla a Nigrán para este acto inaugural.
O acto comezará esta tarde ás 18.00 horas, e tras discursos, corte de cintas e percorrido polas instalacións, haberá un espectáculo de luces con 120 drons, que formarán unha especie de enxame para debuxar figuras no ceo e en coreografía. Un ‘show’ que terá lugar xusto ao caer a noite.
A empresa encargada deste evento é a mesma que realizou o espectáculo no programa el Hormiguero.
Nasas Nigrán abrirá con 500 traballadores e prevé 5 millóns de visitas en 2023 coas marcas de cabeceira com Decathlon, Leroy Merlin, McDonald’s o Jysk.
