Dende a Costa da Morte ata o Morrazo, a fronte que azota estes días Galicia deixou tras de sí o varamento dun importante número de carabelas portuguesas (Physalia physalis).

Numerosos veciños alertaron nas redes sociais da súa presenza varadas nos areais do Morrazo, Marín e Carnota pese a non ser unha especie moi frecuente nestas latitudes dado que este tipo de hidrozoo frecuenta augas máis cálidas, neste caso a máis próxima sería a da corrente do Golfo, pero todo parece indicar a que o temporal consegui arrastralas ata a costa.

A súa picadura é moi velenosa, xa que contén sustancias neurotóxicas, citotóxicas e cardiotóxicas, producindo unha dor moi intensa como unha quemazón. Incluso existen casos rexistrados por morte por shock anafiláctico.