InicioSucesosUn empresario de Redondela é denunciado por disparar a un gato cunha...

Un empresario de Redondela é denunciado por disparar a un gato cunha arma de caza

O animal perdeu a mobilidade dun dunha das súas patas dianteiras e un ollo.

PUBLICADO O

A Garda Civil está a investigar un delito de maltrato animal presuntamente cometido por un empresario de Redondela en Fornelos de Montes. Segundo a denuncia, se lle acusa de disparar sobre unha gato doméstica cunha arma de caza, utilizando munición ilegal e nunha zona de vivendas. O animal, que xa perdeu un ollo e a mobilidade nunha das súas patas dianteiras, atópase hospitalizada de urxencia dende o venres.

O denunciado reside habitualmente no municipio de Redondela, onde posúe unha empresa, pero durante os períodos de vacacións e os fins de semanas reside na finca de Fornelos de Montes onde se produciron os feitos.

Segundo a denuncia, sobre as 11 da noite do xoves, un veciño da localidade pontevedresa atopou á súa mascota sangrando na porta da súa vivenda. O animal non reaccionaba a ningún estímulo. Segundo o informe do veterinario, ingresou a primeira hora do venres nun estado moi crítico. Tiña unha grande ferida de bala na súa pata dianteira dereita e múltiples traumatismos causados pola metralla do proxectil de fragmentación. Unha das partes desprendidas atravesoulle o cranio aloxándose no seu ollo dereito que rematou perdendo.

Os feitos foron postos en coñecemento da Garda Civil ese mesmo día, polo que se abriron as dilixencias oportunas e se comezaron a recoller as testemuñas dos veciños, algúns dos cales afirmaron estar presentes en varias ocasións nas que o denunciado disparaba sobre diferentes animais dende a súa propia casa, situada nunha zona residencial rodeada de vivendas.

O agraviado tamén denunciou que, como consecuencia da traumática experiencia de ter que trasladar á súa mascota ao centro veterinario nesas circunstancias, tivo que ser ingresado no hospital por mor dunha crise de ansiedade pola que precisou tratamento médico: “Conducir corenta quilómetros cun ser da túa familia así nos teus brazos é algo que non lle desexo a ninguén”, laméntase. Tamén afirmou que esta é a cuarta mascota á que lle dispara o empresario redondelán. Nas anteriores ocasións indica non puido recuperar o animal co impacto de bala nin conseguir testemuñas.

O denunciado alega que os animais entran na súa propiedade polos coellos que el mesmo cría en liberdade para adestrar os seus cans, aínda que nega os feitos dicindo que el simplemente “os captura e os abandona en Ponte Caldelas”. Unha versión que confronta co que se lle acusa na denuncia.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...