InicioMedio Ambiente e PatrimonioOrganizan en O Hío un taller sobre microorganismos, aliados de primeira necesidade...

Organizan en O Hío un taller sobre microorganismos, aliados de primeira necesidade para rexenerar o planeta

Aínda non é demasiado tarde para o cambio.

PUBLICADO O

- Advertisement -

O CEIP do Hío e a Asociación Cultural O Furatoxo organizan un obradoiro arredor da captura e utilización de microorganismos na vida cotiá a cargo de Andrés Reboreda, aproveitando a celebración do Día Internacional dos Bosques.

Este taller contará cunha primeira sesión de presentación o vindeiro venres 22 de marzo ás 19h da tarde na Casa da Unión do Hío e prolongarase durante dúas sesións máis que se acordarán cos participantes. O obxectivo deste obradoiro é capturar microorganismos e achar os diferentes usos que poden ter no noso día a día: limpeza, compostaxe, depuración, cheiros… Deste xeito, os participantes descubrirán entre outras cousas como producir o seu propio compost.

O lixo diario que se xera nos fogares contén un 53 % de materia orgánica que pode ser reciclada e retornada á terra en forma de humus para plantas e cultivos. De cada 100 quilos de lixo orgánico obtéñense entre 10 e 15 quilos de compost. Así, aforramos en fertilizantes, contribuímos a reducir a contaminación, melloramos a saúde da terra e das plantas e melloramos a reciclaxe do resto de materiais do lixo.

“Os microorganismos transformaron a atmosfera e o solo da terra ata que a nosa actividade o fixo imposible. A través da industrialización e a desinfección sen control, a actividade humana afastada da natureza provoca que os microorganismos non sexan quen de rexenerar tanto dano. Mais é posible reproducilos e usalos o noso día a día se descubrimos como funcionan”, salientan desde O Furatoxo.

O vindeiro xoves, 21 de marzo, é o Día Internacional dos Bosques, declarado así pola Asemblea Xeral das Nacións Unidas para homenaxear a importancia de todos os tipos de bosque e intentar xerar conciencia aos respecto, no plano individual e colectivo, instando tamén ás administracións públicas a promover iniciativas que favorezan, protexan e respalden os bosques. Aproveitando esta data sinalada no calendario do ecoloxismo, dende O Furatoxo sitúan o punto de partida desta actividade que organizan xunto ao CEIP do Hío.

A AC O Furatoxo nace no ano 2013 formada por mozas e mozos do Hío coa intención de dinamizar a parroquia. Dende a súa creación veñen apostando pola organización de actividades para todos os públicos. Aínda que a celebración da Festa da Queimada supón o maior esforzo organizativo anual, durante o resto do ano tamén programan xornadas de eliminación de especies invasoras, Cinema no Hío, seráns culturais, encontros cos diferentes actores da parroquia e talleres para crianzas na Escola Vella do Hío.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...