A entidade pública adscrita ao Ministerio de Transformación Dixital Red.es seleccionou ás 45 pemes tecnolóxicas nacionais que integrarán o Pavillón España no Mobile World Congress 2024, celebrado entre o 26 e o 29 de febreiro no recinto Gran Vía de Fira de Barcelona.

Segundo informa nun comunicado deste xoves, o número de empresas expositoras aumentou un 18% respecto das 38 de 2023.

Entre elas, está a viguesa Galvin Tecnolóxica SL, dedicada á creación de solucións na nube, como a súa plaraforma ‘Moodular’, para a xestión integral do comercio dixital. Para iso, empregan técnicas de intelixencia artificial (IA) e de realidade aumentada (AR).