O actual líder de Vox en Pontevedra, Álvaro Díaz-Mella López, será o candidato do partido á Alcaldía de Vigo nas eleccións municipais do próximo mes de maio, segundo confirmaron a Europa Press fontes da formación liderada por Santiago Abascal.

Díaz-Mella foi designado candidato polo Comité Executivo Nacional de Vox (CEN). Casado e pai dun fillo, é licenciado en Dereito pola Universidade Complutense de Madrid e Máster en Dirección e Xestión de Empresas (MBA) en Know How Bussines College.

O candidato traballou durante dúas décadas en Telefónica e actualmente está prexubilado. Anteriormente, foi xerente comercial dunha peme dedicada ao sector da alimentación, proporcionou asesoramento fiscal nunha empresa do sector da multipropiedade e desempeñou postos de dirección, xestión, mercadotecnia e organización e control de vendas en empresas de diversos sectores.

Ademais, segundo informa Vox, o seu candidato á Alcaldía de Vigo tamén adicou parte da súa carreira ao ámbito académico e docente, dado que impartiu clases de Dereito Civil na Escola de Turismo Welton, en Vigo.