InicioPolíticaAbel Caballero carga contra a Xunta polas decisións sobre a hostalaría e...

Abel Caballero carga contra a Xunta polas decisións sobre a hostalaría e a vacinación

O alcalde de Vigo afirma que "as decisións contra a hostalaría" non contribúen a "diminuír os contaxios". Solicita que se habiliten "cinco ou seis" puntos máis de vacinación na cidade.

PUBLICADO O

- Advertisement -

O alcalde de Vigo, Abel Caballero, cuestionou este xoves as medidas restritivas que a Xunta estableceu no sector hostaleiro para controlar a pandemia de Covid, e advertiu de que “as decisións contra a hostalaría” non contribúen a “diminuír os contaxios”, xa que estes se producen maioritariamente noutros ámbitos, defendeu.

Caballero advertiu de que “non é bo botarlle a culpa a quen non ten a culpa, porque iso produce penuria económica”, e na que aseverou que, polo menos na cidade de Vigo, a “inmensa maioría” do sector e a súa clientela cumpren as normas de prevención sanitaria.

Segundo incidiu Caballero, os contaxios prodúcense en reunións privadas, botellóns, e outros encontros nos que non se utiliza máscara nin se respecta a distancia social de seguridade. “Por iso non se entende culpar á hostalaría, non é unha boa decisión”, apostilou e insistiu en que “atacar” a este sector “non significa reducir os contaxios”.

O rexedor subliñou que “lle empeza a ir un pouquiño ben” á hostalaría viguesa, grazas aos bos datos de afluencia turística, por iso debe centrarse o foco en vixiar os ámbitos “onde non se cumpren as normas, que son fóra da hostalaría” e en acelerar a vacinación.

ATENCIÓN PRIMARA E VACINACIÓN

Caballero tamén denunciou este xoves que a Atención Primaria na cidade está “practicamente inoperativa” pola falta de persoal, á vez que volveu criticar o sistema de vacinación da Xunta, cun único punto na área sanitaria para administrar as doses.

Criticou que a Xunta “non é capaz” de dotar de máis persoal este servizo, cuxos profesionais están “exhaustos”, o que fai que a Atención Primaria na cidade estea en plena “crise”.

Por outra banda, volveu a arremeter contra o sistema de vacinación na área sanitaria, cun único punto de administración de dose, no Instituto Feiral de Vigo, e tachou de “mentireiro” ao conselleiro de Sanidade, Julio García Comesaña, por aducir cuestións “do sistema técnico” para manter ese único punto de vacinación.

Respecto diso, puxo o exemplo doutras zonas, como a zona do norte de Portugal, onde hai puntos de vacinación en municipios como Valença, Melgaço, Caminha, Monçao ou Vilanova de Cerveira. Na cidade lusa de Porto, sinalou, “hai máis de dez” lugares aos que os veciños poden acudir para recibir a súa dose.

“Xa está ben de maltratar á xente de Vigo, non é certo que non se poida vacinar en sitios pequenos”, proclamou Abel Caballero, quen solicitou que se habiliten “cinco ou seis” puntos máis de vacinación na cidade, e que tamén se administren doses noutros concellos da comarca, como Cangas, Moaña, Baiona, Tui, Ponteareas, A Guarda, etc.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...