InicioPolíticaO PSOE de Cangas dá por roto o pacto de goberno

O PSOE de Cangas dá por roto o pacto de goberno

A rexedora anunciou a destitución de dous do catro concelleiros do PSOE que formaban parte do goberno local xunto a Alternativa Canguesa de Esquerdas.

PUBLICADO O

O portavoz do Grupo Municipal Socialista de Cangas do Morrazo, Eugenio González, deu por roto o pacto polo que esta formación se integraba no goberno local despois de que a alcaldesa, Vitoria Portas, de Alternativa Canguesa de Esquerdas. (ACE), anunciase o seu cesamento e o da concelleira Pilar Nogueira.

Así se pronunciou despois de que a rexedora anunciase a destitución de dúas do catro concelleiros do PSOE que formaban parte do goberno local xunto a ACE por unha “perda de confianza” derivada dunhas obras de explanación levadas a cabo na praia de Rodeira para acoller unha proba deportiva e que foron paralizadas preventivamente pola Xunta ante unha posible afectación a unha especie de arbusto protexida. Mentres, a rexedora afirmou que as outras dúas edilas socialistas, Sagrario Martínez e Ingrid Loredana, podían continuar como parte do goberno local.

Con todo, este martes, o portavoz do Grupo Municipal Socialista de Cangas explicoumque deu por roto o pacto de goberno. “Nós entendemos que, se nos cesa a dous concelleiros, os outros dous veñen connosco porque o PSOE é un grupo municipal de catro”, resolveu.

Así as cousas, augurou que Portas será “a alcaldesa máis efémera de Cangas” e acusouna de “non contar” cos socialistas “nin coa súa propia coalición” para a xestión municipal, mentres que, co seu predecesor, Xosé Manuel Pazos, “había un goberno de varios partidos”.

Así mesmo, reprobou que a alcaldesa o cesase a el e a outra concelleira socialista pola execución dos traballos realizados en Rodeira a pesar de que “asinou ela” a autorización para permitir o acceso da maquinaria á praia e “xestionou o procedemento”.

En concreto, Xosé Manuel Pazos (ACE) foi reelixido alcalde de Cangas tras as eleccións de 2019 con apoio do PSOE, co que gobernou. Tras o seu falecemento, que tivo lugar o pasado mes de xaneiro, Vitoria Portas (ACE) foi elixida como a súa sucesora co apoio dos concelleiros socialistas, o que permitiu conformar un goberno local con catro edís de cada unha de ambas as formacións.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...