InicioPolíticaO BNG de Vigo pedirá "explicacións" no pleno do mércores polo traslado...

O BNG de Vigo pedirá “explicacións” no pleno do mércores polo traslado “improvisado” da escola Santa Marta

Di que o CEIP Ramón e Cajal non cumpre os requisitos para albergar a escola infantil.

PUBLICADO O

- Advertisement -

O BNG rexistrou unha moción para o seu debate no pleno deste mércores no Concello de Vigo na que reclama “explicacións” ao goberno local pola súa “improvisación” no traslado da Escola Municipal Infantil Santa Marta, e na que esixe que se busque unha alternativa “viable” para acoller esta escola, mantendo as prazas existentes.

Así o trasladou o concelleiro nacionalista, Xabier Pérez Igrexas, nunha rolda de prensa na que advertiu de que hai “unha ameaza real de peche” desta escola, que é a única escola pública do centro da cidade, e denunciou que o goberno está “incumplimiendo o compromiso” dado ás familias pola anterior edil de Educación, Olga Alonso, de que non se pecharía a escola antes de ter lista unha alternativa.

O goberno local defende que a escola debe clausurarse provisionalmente debido ás obras de urbanización do ámbito do Barrio do Cura, e propuxo trasladar a nenos e educadoras ao CEIP Ramón e Cajal, unha medida que rexeitan tanto a Xunta como a comunidade escolar do propio colexio, así como partidos políticos e mesmo sindicatos.

Pérez Igrexas sinalou que ese colexio non cumpre os requisitos para albergar a escola infantil e que, de feito, nos orzamentos municipais de 2021, non hai partidas destinadas a ese traslado, o que evidencia a “nefasta xestión” e “improvisación” do goberno local.

Nese sentido, criticou a actitude do alcalde, Abel Caballero, que culpa á Xunta de non querer dar unha alternativa aos nenos desa escola, e que defende que hai espazo suficiente para acollelos no Ramón e Cajal. O edil do BNG tamén afeou ao rexedor que use a urbanización de Barrio do Cura como “escusa” para o traslado nesas condicións, cando fai máis dun ano que se aprobou inicialmente o cambio urbanístico para permitir o inicio das obras.

ÚLTIMAS

Rueda e Caballero dan pasos para desbloquear a ETEA, as pistas de atletismo ou o túnel de Beiramar

A Xunta de Galicia e o Concello de Vigo acordaron este martes dar os pasos necesarios para desbloquear...

Anuncian folga indefinida de ambulancias en Vigo, Cangas e Moaña, e alertan dun “colapso” do servizo

Os sindicatos CIG, CC.OO., e USO anunciaron a convocatoria de folga indefinida, na tempada...

BNG esixe a Abel Caballero que faga fronte o “grave problema de vivenda” coa moción aprobada en marzo

O grupo municipal do BNG no Concello de Vigo esixiu este martes ao alcalde,...

Concentración de traballadores de Correos en Vigo para denunciar o déficit de persoal

Delegados sindicais concentráronse este martes en Vigo para denunciar o déficit de persoal en...