InicioPolíticaEn Marea esixe á Xunta que as indemnizacións alcancen o valor total...

En Marea esixe á Xunta que as indemnizacións alcancen o valor total das vivendas destruídas en Tui

"As familias e as persoas afectadas non merecen menos que recuperar a vida que tiñan no momento da explosión", subliñaron dende o grupo político.

PUBLICADO O

As vicevoceira de En Marea Ana Seijas deu conta este venres ante os medios do apoio do grupo político á manifestación do sábado en Paramos, organizada pola plataforma de afectados pola explosión.

Segundo Ana Seijas, e no referente a explosión da pirotecnia en Paramos, a vicevoceira sinalou que, segundo defenden, o decreto da Xunta “é insuficiente e unha vez máis o goberno de Núñez Feijóo está a deixar na estacada ás veciñas e vecinos de Paramos”.

“Non vale coas boas palabras nin estar alí nun primeiro momento, se non que hai que dar unha resposta rápida e adecuada á situación. Esiximos as indemnizacións polo  montante total do valor das vivendas, non nos conformamos con menos. As familias e as persoas afectadas non merecen menos que recuperar a vida que tiñan no momento da explosión e iso é o que lle vamos a esixir á Xunta e ao Goberno de Núñez Feijóo”, concluíron.

Por iso, engadiron que “estaremos con eles o sábado acompañando ás persoas afectadas e á plataforma, e os vecinos e as veciñas contarán ademáis co apoio da xente das Mareas municipais da comarca e todas aquelas persoas do país que están a dar o seu apoio as veciñas e vecinos de Paramos”, incidiu a vicevoceira de En Marea.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...