O Comité Executivo Nacional de Vox situou a catro representantes provinciais á fronte das listas no catro circunscricións galegas para as eleccións autonómicas do próximo 5 de abril.

Concretamente, trátase de Miguel Ángel Fernández, pola Coruña; Sonia Teijeiro, por Lugo; María Jesús Fernández, por Ourense; e Antonio Ramilo Rodríguez, por Pontevedra.

Este último é directivo con “ampla experiencia internacional en planificación e execución estratéxica e xestión de equipos dentro do ecosistema dixital”, segundo Vox, ademais de “multilingüe operativo en español e inglés”.

Antonio Ramilo é fillo de Antonio Ramilo, alcalde franquista de Vigo e presidente da patronal galega nos anos 90, ademais de vicepresidente da xestora de Pontevedra.