O alcalde de Vigo e presidente da Federación Española de Municipios e Provincias (FEMP), Abel Caballero, afirmou este venres que a súa reelección como máximo responsable do órgano municipalista é un “recoñecemento” ao seu traballo como primeiro edil da cidade olívica.

Caballero lembrou que esta fin de semana se converterá no segundo presidente da FEMP reelixido tras catro anos (a outra presidenta que repetiu foi Rita Barberá), tendo en conta que o PSOE o designou novamente como candidato.

“Dado que o PSOE gañou de longo as eleccións municipais, con toda certeza vou resultar elixido, e enténdoo como un recoñecemento ao traballo nesta cidade, recoñecemento de miles de alcaldes que me van votar”, proclamou

Abel Caballero, quen subliñou que o seu goberno obtivo o maior apoio electoral conseguido nunca en Vigo (un 67,6 por cento de votos e 20 edís de 27 posibles), concluíu que a cidade “é un modelo de actuación”.