O concelleiro vigués e senador do PP Miguel Fidalgo afirmou este venres, ante a posible marcha do exconselleiro popular Javier Guerra ás filas de Cs, que “as portas do PP de Vigo sempre están abertas para entrar e para saír”.

Cuestionado polos medios de comunicación acerca dese eventual movemento político, o que fose secretario xeral do PP vigués recoñeceu que a marcha de Guerra ao partido laranxa sería “unha mala noticia” e “unha deslealdade por parte dunha persona que estivo aquí (no PP) moitos anos”.

En todo caso, após lembrar que “xa falaron deste tema a presidenta local (Elena Muñoz) e o presidente provincial (Alfonso Rueda)”, afirmou que “quizá debería falar o interesado“, en alusión ao exconselleiro e exconcelleiro vigués.