Marea de Vigo-Son En Común demandou a publicación dos estudos dos comités técnicos multidisciplinares que analizan as novas concesións de auga e transporte da cidade olívica, dado que as vixentes caducarán durante esta lexislatura.

A formación criticou que non estivese representada no comité técnico e móstrase  contraria á súa composición. Ante esta situación, esixiu que, polo menos, o traballo realizado por este equipo se publique.

Tamén apostou por que o debate técnico inclúa propostas cidadás e dos grupos da corporación municipal e reprobou que non se trasladou información sobre o traballo realizado ata ese momento.

Así, sinalou que espera que non se presente un proxecto definitivo sen contar con distintas opinións e avogou pola utilización de mecanismos de transparencia, como a publicación das actas da mesa.

Ademais, advertiu de que é posible que non se aborde a posibilidade dunha xestión pública e remarcou a importancia de que os modelos se axusten ás necesidades da cidade, en lugar das empresas privadas que opten á prestación dos servizos.