O alcalde de Vigo, Abel Caballero, acusou á Xunta de “conceder privilexios medievais” a Santiago ao asignarlle á súa universidade o grao de Medicina “en exclusiva” e quedar a UVigo sen facultade. Nun audio enviado aos medios de comunicación, o rexedor criticou o acordo asinado finalmente entre o Goberno galego e as tres universidades galegas para a descentralización de Medicina, asegurando que este pacto foi “imposto” polo Executivo autonómico.
“A Xunta segue concedéndolle privilexios medievais a Santiago e asígnalle en exclusiva a facultade de medicina, insistiu Cabaleiro, volvendo sobre a idea de que Vigo é a cidade máis grande de España que carece destes estudos tan “importantes”. Abel Caballero aproveitou para cargar de novo contra o PP e o BNG, acusándoos de “non defender” Vigo.
