O Concello de Vigo criticou este mércores a decisión do Consello de Ministros de transformar un xulgado de instrución da cidade nun xulgado de Violencia sobre a Muller, ao considerar que coloca á urbe “nunha situación límite”.

Nun comunicado, o goberno local compartiu a necesidade deste novo xulgado de Violencia sobre a Muller, pero considerou “desafortunado e erróneo” que este supoña a perda dun de instrución.

“Esta decisión coloca a Vigo nunha situación límite, coa certeza de que nun tempo breve superará o nivel esixido”, lamentou o Concello, apuntando que a decisión “non é acertada e non pode ser compartida”.

“En Vigo tense que crear un novo xulgado de Violencia sobre a Muller mantendo o oito xulgados de instrución actuais”, sentenciou.