Povisa presenta finalmente a súa oferta coa sanidade pública tras ampliar o Sergas tres veces o prazo

- Advertisement -

O presidente da Xunta advertiu este luns á empresa sanitaria privada Povisa que o seu nivel de asistencia “ten que ser o mesmo que a asistencia pública”. Rueda respondeu así tras ser preguntado na rolda de prensa posterior ao Consello da Xunta sobre o acordo entre o Sergas e Povisa para a atención de pacientes da área sanitaria de Vigo.

O máximo mandatario galego defendeu este convenio porque, dixo, faise para atender a pacientes desta área que decidiron ser atendidos nun hospital privado e non no Cunqueiro. “Mentres exista ese doble sistema –a sanidade pública e concertada– pois o noso obxectivo é ofertar a mellor calidade asitencial“, dixo ao tempo que advertiu á Povisa que ten que dar a mesma asistencia sanitaria que na pública.

Pouco despois destas declaracións, o hospital Ribeira Povisa presentaba finalmente este luns a súa oferta para o novo contrato co Servizo Galego de Saúde (Sergas) para a prestación de servizos sanitarios na área de Vigo. Unha oferta que chega tras tres ampliacións de prazo consecutivas, despois de que o pasado 3 de febreiro fose a data límite para que a empresa presentase a súa proposta. Con todo, solicitou en varias ocasións máis tempo, ata concedérselle tres prórrogas dunha semana cada unha, terminando a última este luns.

Foi o Sergas o que informou aos medios de comunicación de que Povisa presentou formalmente a súa oferta. Agora, a Consellería de Sanidade deberá confirmar que cumpre os pregos do contrato, “como paso previo á firma” do mesmo. “A Consellería de Sanidade traballa co obxectivo de que o novo contrato de servizo, por 195 millóns de euros e un período de dous anos, estea vixente o próximo 1 de abril”, sentenciaron desde a Xunta.

POVISA PRESENTA A SÚA OFERTA

O hospital Ribera Povisa presentou finalmente este luns a súa oferta para o novo contrato co Servizo Galego de Saúde para a prestación de servizos sanitarios na área de Vigo. Esta oferta chega tras tres ampliacións de prazo consecutivas, despois de que o pasado 3 de febreiro fose a data límite para que a empresa presentase a súa proposta. Con todo, solicitou en varias ocasións máis tempo, ata concedérselle tres prórrogas dunha semana cada unha, terminando a última este luns.

Foi o Sergas o que informou aos medios de comunicación de que Povisa presentou formalmente a súa oferta. Agora, a Consellería de Sanidade deberá confirmar que cumpre os pregos do contrato, “como paso previo á firma” do mesmo. “A Consellería de Sanidade traballa co obxectivo de que o novo contrato de servizo, por 195 millóns de euros e un período de dous anos, estea vixente o próximo 1 de abril”, sentenciaron desde a Xunta.

Todo iso despois de que a finais de ano o Goberno galego autorizase lanzar o contrato con Povisa por case 195 millóns de euros e unha vixencia inicial de dous anos. Con todo, o contrato sufriu un cambio importante: pasa de ser un concerto a un contrato de servizos, polo que debía saír a licitación e que a empresa se presentase ao proceso.

Precisamente este luns, a Asociación Galega para a Defensa da Sanidade Pública de Galicia (AGDSP) acusou a Povisa de ser “un pozo sen fondo de gasto público” e un “negocio que vai de man en man de distintas multinacionais”. Nun comunicado, esta entidade lamentou que o novo contrato suporá un 16 % máis de ingresos para o hospital privado, pasando de recibir do Sergas 83,7 millóns ao ano a 97,5 millóns, a pesar de atender 8.000 persoas menos.

Relacionado

ÚLTIMAS

O goberno de Vigo sobre o trazado para a nova A-52 proposto pola oposición: “Queren un circuíto de Fórmula 1 como Ayuso en Madrid?”

Atunlo debátese entre “vida ou morte”

Convocado para o 13 de marzo o pleno extraordinario pedido pola oposición de Vigo trala sentenza sobre o concerto de Guns N’ Roses

Stellantis suspende a paga de beneficios para os seus traballadores tras ser condenada por “discriminación”