InicioPolíticaRubén Pérez marcha a Madrid como número dous do ministerio de Mocidade...

Rubén Pérez marcha a Madrid como número dous do ministerio de Mocidade e Infancia

Rubén Pérez foi tamén secretario de Organización cando Yolanda Díaz lideraba EU-EU en Galicia

PUBLICADO O

- Advertisement -

A ministra de Mocidade e Infancia, Sira Rego, dirixente de Esquerda Unida, sitúa como número dous da carteira que dirixe a Rubén Pérez, tamén militante de Esquerda Unida que foi impulsor da Marea de Vigo e actualmente é responsable de Municipal na dirección federadal de EU.

Desta maneira, segundo fontes consultadas por Europa Press –e adiantou Radio Vigo–, o Consello de Ministros do novo goberno que lidera Pedro Sánchez nomeará a Rubén Pérez este mércores como secretario de Estado do Ministerio de Mocidade e Infancia.

Rubén Pérez Correa (Vigo, 1977), é Licenciado en Historia pola USC e técnico especialista e posgrao en Loxística e Produción, participou na construción das mareas municipalistas que en 2015 irromperon nos concellos galegos, no seu caso, na oposición nunha corporación municipal que lidera Abel Caballero (PSOE) con maioría absoluta.

Ademais, antes de situarse á fronte de responsabilidades federais baixo a dirección de Alberto Garzón, Rubén Pérez foi secretario de Organización de Esquerda Unida-Esquerda Unida con Yolanda Díaz como coordinadora galega de EU-EU.

Á fronte destas responsabilidades, foi un dos artífices das alianzas da esquerda ‘rupturista’ cunha parte do nacionalismo galego que desembocou na formación En Marea, agora disolta tras chegar a conquitar 14 deputados e ser segunda forza máis votada na Comunidade galega.

NOVAS TAREFAS

Como secretario de Estado, Rubén Pérez terá a tarefa de articular un ministerio que non existía ata agora e un sector da poboación co que Yolanda Díaz se comprometeu en campaña electoral para ofrecer un bono para formarse ou emprender de 20.000 euros.

ÚLTIMAS

(Vídeo) Por que os patexos invaden as praias dos areais vigueses?

Estes pequenos cangrexos volveron aparecer, por centos, na praia de Rodas, nas Illas Cíes....

O Parque Nacional dás Illas Atlánticas ofrece 350 rutas guiadas

O Parque Nacional marítimo-terrestre dás Illas Atlánticas de Galicia oferta este verán un total de 350 rutas...

Multas de ata 200.000 euros a quen realice foxos en Praia América para as fogueiras de San Juan

As persoas que acudan a Praia América, no concello pontevedrés de Nigrán, e decidan...

Sindicatos do 061 de Vigo piden á Xunta que garanta o pago das nóminas pendentes

Os sindicatos CIG, CC.OO. e USO reclamaron á Xunta que garanta o abono das...