InicioPolíticaO BNG denuncia que o goberno de Abel Caballero lle oculta un...

O BNG denuncia que o goberno de Abel Caballero lle oculta un cento de expedientes de licenzas urbanísticas

O portavoz do BNG, Xabier Pérez Igrexas, reiterou na reunión do Consello da Xerencia de Urbanismo deste martes a súa solicitude de acceso a eses expedientes que, ata agora estaban paralizados por estar suspendida a concesión de licenzas, pero que poderán tramitarse a partir do 16 de outubro, cando decaia esa suspensión, "aínda que sexan incompatibles" co novo Plan Xeral de Ordenación Municipal (que está pendente de aprobación provisional).

PUBLICADO O

BNG de Vigo denunciou a “ocultación” por parte do goberno local dun centenar de expedientes de licenzas urbanísticas, que o grupo municipal nacionalista solicitou e que non lle foron facilitadas.

O portavoz do BNG, Xabier Pérez Igrexas, reiterou na reunión do Consello da Xerencia de Urbanismo deste martes a súa solicitude de acceso a eses expedientes que, ata agora estaban paralizados por estar suspendida a concesión de licenzas, pero que poderán tramitarse a partir do 16 de outubro, cando decaia esa suspensión, “aínda que sexan incompatibles” co novo Plan Xeral de Ordenación Municipal (que está pendente de aprobación provisional).

Pérez Igrexas denunciou que o goberno local vulnerou os seus dereitos fundamentais como concelleiro, ao non atender a solicitude que realizou o pasado 13 de setembro para poder acceder a eses expedientes. Segundo sinalou, algunhas das licenzas pendentes de tramitar “afectan a ámbitos de especial protección ou de primeira liña de litoral” e “non poderían outorgarse baixo ningún concepto co novo PXOM”.

Para o BNG, a “opacidade” do goberno a este respecto demostra que “hai moito que esconder”. O goberno de Abel Caballero non quere que a cidade saiba quen se vai a beneficiar desta nova ‘porta de atrás’ para uns poucos, dentro do ‘urbanismo á carta’ no que insiste unha e outra vez a concelleira María José Caride”, subliñou o portavoz do grupo nacionalista.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...