InicioPolíticaSantiago investigará o accidente do Marisquiño de Vigo

Santiago investigará o accidente do Marisquiño de Vigo

A abstención do PP facilitou que a iniciativa de En Marea e do BNG saira adiante.

PUBLICADO O

Santiago investigará o accidente do Marisquiño acontecido en Vigo. Así o decidiu este martes o Parlamento de Galicia tras aprobar a creación dunha comisión de investigación para determinar as causas e dirimir as responsabilidades políticas.

Unha comisión que foi aprobada grazas á abstención do PP a unha iniciativa presentada por En Marea e o BNG e que contou cos votos en contra do PSdeG. É das poucas veces que os populares permitan que o Parlamento galego constitúa unha comisión de investigación. Unha decisión que chega logo do enfrontamento do presidente galgo, Alberto Núñez Feijóo, co alcalde vigués, Abel Caballero, a conta das responsabilidades deste accidente.

Aínda que a apertura desta comisión na Cámara autonómica foi aprobada cos votos de En Marea e BNG e o “permiso” dos populares, o certo é que a súa portavoz no debate, Teresa Egerique, asegurou que o seu grupo non “impediría” a investigación, pero ao tempo defendeu que os populares non queren “circos”.

Un día antes de coñecer cal sería o sentido de voto dos populares, socialistas vigueses trasladaran unha advertencia: a posibilidade de crear dúas comisións de investigación no Concello –una sobre “a relación de Núñez Feijóo co narcotraficante Marcial Dorado” e outra sobre a “discriminación” e “abandono” da cidade olívica por parte da Xunta de Galicia do PP–.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...