InicioSucesosColisión entre dous buques na ría de Vigo

Colisión entre dous buques na ría de Vigo

PUBLICADO O

Outra nova traxedia no mar galego, desta volta, na Ría de Vigo, coa colisión entre dous barcos. Polo momento non se sabe se hai mortos, aínda que o xornal Galicia Confidencial asegura que dous feridos foron trasladados a Vigo.

Tras o choque, un dos barcos, o máis pequeno, o Romo 2 e de 8,6 metros de eslora afundiu rṕaidamente. Dous dos seus tripulantes estiveron na auga 15 minutos ata que foron rescatados, levados a terra e trasladados por hipotermia ao hospital de Vigo. 

Segundo relataron, os feitos sucederon sobre as 8,25 horas deste luns ao norte da Illa de Toralla, na ría viguesa. O buque ‘Intermares’, de 79,2 metros de eslora, informou o Centro de Salvamento de Vigo, que coordinou o operativo, da presenza de dúas náufragos na auga tras chocar co pesqueiro ‘Romo 2’.

Os tripulantes, que estaban na auga con aros salvavidas, foron rescatados pola embarcación ‘Salvamar Mirach’ de Salvamento Marítimo, que os trasladou ao peirao da Laxe, no Porto de Vigo.

Esta é a terceira traxedia no mar que se producen nas costas galegas, logo da morte dun mariñeiro noutro naufraxio en Porto do Son e o embarrancamento, o pasado venres, dun quimiqueiro na Ría de Ares.

ÚLTIMAS

Os equipos de emerxencias auxilian aos dous ocupantes dun turismo tras saírse da vía na AP-9, a altura da parroquia viguesa de Cabral

Os dous ocupantes dun turismo foron auxiliados polos equipos de emerxencia tras saírse da...

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...