Os servizos de emerxencias rescataron na noite deste domingo a unha muller que caera nunha zona rochosa da praia de Borna, no municipio pontevedrés de Moaña.
Segundo a información do CIAE 112-Galicia, os feitos sucederon minutos antes das 23,00 horas, cando un particular alertou de que unha muller se caeu nunha zona de rocas desta praia.
Ata a zona desprazáronse os Bombeiros do Morrazo e a Policía Local. Unha vez liberada, a vítima foi atendida nunha ambulancia do 061.
