Laura Fernández Abalde, unha viguesa de 67 anos, recibiu este martes a eutanasia que tanto defendeu en vida, rodeada dos seus seres queridos e do equipo médico que a atendía. O procedemento levouse a cabo pouco antes das 10:00 horas no hospital Meixoeiro de Vigo, onde Laura estaba ingresada na unidade de coidados paliativos desde outubro debido a un cancro, un melanoma de uretra en estado terminal.

A loita de Laura por acceder á eutanasia comezou a finais de outubro, cando cursou a súa primeira solicitude. A segunda solicitude, requirida por lei, foi presentada a semana pasada, despois de que o seu caso saltase á esfera política e mediática. O grupo parlamentario socialista acusou á Xunta de Galicia de impoñer unha “burocracia asfixiante” na prestación do dereito á morte digna, mentres que o Goberno autonómico, en mans do PP, defendeu que cumpría “estritamente os procedementos establecidos” na lei estatal de regulación da eutanasia.

Tras a aprobación da súa solicitude o venres pasado, Laura compartiu os seus pensamentos nun video compartido en Youtube. Cunha serenidade impresionante, afirmou que afrontaba os seus últimos días de vida “cansa”, pero “feliz”, coa idea de despedirse “dando grazas á vida”. Expresou o seu desexo de que a lei de eutanasia revísese para acurtar os prazos e ampliar o seu alcance, incluíndo casos de enfermidades mentais que actualmente non contempla.

Laura, membro da asociación Dereito a Morrer Dignamente desde 2006, recibiu a eutanasia acompañada por familiares, o equipo médico e unha representante da devandita asociación. Nos seus últimos días, compartiu que nunca sentira “unha paz” consigo mesma e co mundo “como estes días”, describindo como “marabilloso” o estado de tranquilidade que experimentaba #ante a proximidade da morte.

A Consellería de Sanidade defende a súa actuación no caso de Laura

A Consellería de Sanidade de Galicia defendeu a súa actuación no caso de Laura, asegurando que cumpriu “estritamente os procedementos establecidos” na lei. Segundo as fontes oficiais, o proceso de eutanasia é complexo e está estritamente regulado, requirindo un mínimo de 15 días entre a primeira e segunda solicitude, e un total de aproximadamente 40 días para completar todos os trámites necesarios.

En España, según datos do Ministerio de Sanidad, hai un terzo dos enfermos que morren mentras tramitan a súa solicitude. Concretamente 152 persoas faleceron antes de ser concedido o dereito a morrer dignamente enleados na burocracia do procedemento e na interpretración da lei que non é igual en todas as comunidades autónomas. Segundo as asociacións o procedemento abrebiado, indicado para as persoas con casos graves terminais, podería durar de 8 a 15 días, malia que a media en España é de 27 días; pero a Xunta pretendía alongar o prazo como mínimo 40 días. Laura, coa súa insistencia e a difusión do caso conseguiu que o goberno de Alfonso Rueda reculase e acurtase ese prazo.

A historia de Laura serve como un poderoso recordatorio da importancia do dereito para morrer con dignidade e do impacto que pode ter unha soa voz no debate público sobre temas tan sensibles e complexos. O seu legado continuará inspirando a aqueles que loitan polo dereito para decidir sobre o final das súas vidas en situacións de enfermidade terminal ou sufrimento insoportable.

O caso de Laura Fernández Abalde reavivou o debate sobre a aplicación da lei de eutanasia en España. Mentres algúns sectores políticos e sociais avogan por unha simplificación dos procesos e unha redución dos prazos, as autoridades sanitarias insisten na importancia de seguir rigorosamente os procedementos establecidos pola lei.