Empregados de Correos levaron as súas protestas contra a “sobrecarga de traballo” e as súas condicións laborais ata a comarca pontevedresa de Val Miñor. Este luns, houbo concentracións nas oficinas da Ramallosa, en Nigrán, que tamén dan servizo ao municipio de Baiona.

Segundo denuncia CSIF, que promove este calendario de mobilizacións xunto con outras organizacións sindicais, nesta comarca a poboación duplícase ” durante os meses do verán, “sen que se produza un reforzo do persoal equivalente”. A portavoz de CSIF, Patricia Igrexas, tamén relata as “pésimas condicións” nas que traba o persoal destas oficinas, que denuncian que reciben “permanentemente os avisos de solicitudes de recollida nos seus móbiles particulares” e que “non dispoñen de fontes de auga” nos centros laborais pese á calor que rexistran no verán.

Ademais, Igrexas denuncia situacións de déficit de persoal “por non cubrirse baixas”. Trátase dunha “política de recortes” que afecta a 15 das 29 seccións de Correos das que dispón Val Miñor.