Máis de 50 veciños da parroquia de Beade uníronse para loitar contra o novo vial que está proxectado no novo PXOM que conectará a A-55 coa estrada Clara Campoamor.

Este vial é de alta capacidade e pretende mellorar as conexións con PSA pero vai destrozar familias e unha parroquia como Beade. Ademais este vial non conta con accesos para os veciños polo que sufrirán unha contaminación acústica e ambiental.

Trátase, din, dunha “aberración medioambiental” que vai a destrozar o Río Eifonso e o Río Barxa ademais dun dos poucos pulmóns verdes que quedan en Vigo como é o Monte da Serra.

Por último, lembran, este vial proxectouse sen usar os mapas actualizados correspondentes polo que non recolle a situación urbanística real da zona ademais de levar consigo a recalificación de terreos que pasarán de ser urbanos a ser rústicos.