Unha iniciativa difundida por redes sociais convoca unha concentración para expresar o rexeitamento cara o uso de animais en laboratorios. O acto terá lugar en Vigo, fronte o Marco, este sábado ás 17.00h. O evento concócase despois de que saíse á luz un vídeo de Cruelty Free no que se confirmaban indicios de maltrato animal no laboratorio Vivotecnia. Ante os feitos, a Comunidade de Madrid suspendeu a actividade do laboratorio.

A concentración coincide co Día do animal de laboratorio, o 24 de abril, e con ela condenan a experimentación con animais, así como pretenden visibilizar as alternativas éticas existentes e as trabas económicas existentes para que se leven a cabo.

“As grandes empresas e corporacións seguen ofrecendo unha publicidade enganosa e son opacas para ocultar a horrible e cruel realidade que se realiza tras os seus muros”, conclúen os organizadores a través dun comunicado, sinalando que en Galicia tamén se atopan estas prácticas.