Axentes da Xefatura da Policía Autonómica de Vigo localizaron, coa colaboración dun veciño, un petróglifo sen catalogar no concello de Mondariz, concretamente no Monte Cabaleiro.

Os axentes realizaron as xestións correspondentes co servizo de Patrimonio, ao que comunicaron o achado e o lugar onde se produciu para que puidesen proceder á súa valoración e posterior catalogación e inventariado. O servizo de Patrimonio da Delegación Territorial da Xunta en Pontevedra confirmou que este petróglifo non figuraba no inventario de xacementos arqueolóxicos da provincia.

A súa localización produciuse, posiblemente, como consecuencia dos incendios de outubro de 2017, tras os que a choiva limpou a zona e a terra que cubría a roca e o seu gravado.