Os petróglifos dos montes de Vigo necesitan más carballos e menos eucaliptos e piñeiros para protexerse dos lumes

Unha investigación feita por científicos no xacemento arqueolóxico vigués de San Salvador de Coruxo conclúe que a especie autóctona é máis resistente ao lume e protexe mellor os petróglifos.

Pedra Moura, petrógligo no xacemento arqueolóxico de San Salvador de Coruxo, en Vigo / J.S. Pozo-Antonio, P. Sanmartín, M. Serrano, J.M. De la Rosa, A.Z. Miller, J. Sanjurjo-Sánchez, Impact of wildfire on granite outcrops in archaeological sites surrounded by different types of vegetation, Science of The Total Environment, Volume 747, 2020, 141143, ISSN 0048-9697.

Máis carballos e menos piñeiros e eucaliptos. Esa é a consigna científica que debería guiar os responsables da conservación do patrimonio galego se pretenden protexer os xacementos arqueolóxicos do país do impacto dos incendios forestais e, máis concretamente, os petróglifos que abundan en Galicia.

Un estudo publicado agora na revista científica Science of The Total Environment evidencia que os carballos teñen “maior resistencia aos efectos do fogo” que piñeiros, eucaliptos e matogueiras.

“Os carballos poderían actuar como cintos protectores ao redor dos sitios arqueolóxicos, ao reducir a severidade dos incendios forestais”, din os investigadores tras analizar o impacto da vaga de lumes de outubro de 2017 nos xacementos arqueolóxicos de Coruxo.

>> INFORMACIÓN COMPLETA EN GALICIA CONFIDENCIAL

DEIXAR UN COMENTARIO

Please enter your comment!
Please enter your name here