O Seprona da Garda Civil de Ponteareas  rescatou e devolveu ao monte unha cobra rateira que se quedou atrapada no valo do exterior dunha vivenda.

Segundo informa a Garda Civil de Pontevedra no seu perfil de Facebook, sobre as 11,00 horas deste sábado recibiuse no posto de Ponteareas unha chamada dunha familia asustada porque vira á serpe atrapada no valo.

Axentes do Seprona acudiron ao domicilio e rescataron unha cobra. Segundo indica a Garda Civil, trabállase dunha rateira, autóctona de Galicia e non venenosa.

A continuación, desprazáronse con ela “a un lugar máis propicio” no monte, onde foi devolta ao seu hábitat natural.