O bateo do ouro é unha profesión milenaria en Galicia. Antes de que chegaran as mineiras internacionais a tentar sacar o ouro de Galicia, aquí xa existía unha vella tradición de procura do ouro.

E parte desa tradicion é a que se poderá coñecer na II Feira dos Minerais en Guláns, Ponteareas esta fin de semana. Minerais, fósiles e xoiería son algúns dos materiais que poderán observar e mercar nenos e participantes neste evento que estará aberta de 10:00 horas a 21:00 horas no centro cultural de Guláns totalmente de balde.

Ao longo destes días haberá obradoiros a diario como o de bateo de ouro e o de xoiería impartido pola Escola de Xoiería Atlántico ou o de identificación de minerais o venres; tamén ofrecerán a charla sobre a explotación do ouro no río Miño impartida por María Modino directora de caldiade de Áridos do Mendo.  Na organización participa a Escola de Enxeñaría de Minas e Enerxia da Universidade de Vigo.