InicioMedio Ambiente e PatrimonioPiden á UE que non financie reforestacións en Galicia ata que non...

Piden á UE que non financie reforestacións en Galicia ata que non prohíba a plantación de novos eucaliptos

"Mentres que non cambie a xestión dos montes en Galicia, a Comisión europea e a Unión europea son cómplices da destrución do monte galego.", subliña a asociación Petón do Lobo.

PUBLICADO O

- Advertisement -

“En Galicia arde o monte e arde sempre. Verán e inverno. Arde a Rede Natura 2000 e por encima, a información que proporciona a Xunta de Galicia é sumamente escasa. Non existe transparencia nin información, no que respecta ás superficies queimadas e o diñeiro que se gasta na súa extinción”, subliñan desde a Asociación Petón do Lobo.

Así, destacan que boa parte da rexeración dos montes tras os incendios realízase polo eucalipto, que medra de xeito espontáneo e silvestre. Por iso, critican a existencia dun Plan Forestal “caduco” e que a Comisión europea siga achegando fondos nestas condicións para a extinción dos incendios en Galicia. “Pensa a Comisión europea continuar aplicando (ou malgastando) fondos comunitarios a un goberno da Xunta de Galicia, que non fai nada para solucionar os problemas estruturais do monte e que centra todos os seus esforzos no negocio da súa extinción?”, pregúntase esta entidade.

Neste sentido, insisten en que o modelo actual de explotación do monte é “intensamente forestalista”, que aposta pola produción de madeira con pouco valor engadido. “O aproveitamento forestal intensivo con especies alóctonas, pirófilas e de crecemento rápido comporta a deterioración de servizos ecosistémicos”, indica.

Eucalipto cortado tralos incendios de 2017/ Miguel Núñez

Petón do Lobo insiste en que este modelo forestal contribúe tamén a malgastar importantes cantidades de recursos públicos a través do PLADIGA -plano de loita contra o lume- que custa anualmente ao redor de 150 millóns de euros. Por tanto, urxe que o Parlamento europeo e a Comisión, insten o goberno da Xunta de Galicia a establecer sen demora, unha moratoria indefinida para as novas plantacións de especies do xénero Eucalyptus en todo o territorio galego. San Xoan

Lume en San Xoán / Miguel Nuñez”Por iso, rogamos á Comisión de peticións do Parlamento Europeo que continúe aberta esta Petición, en tanto que a Xunta de Galicia non se comprometa en serio e con garantías, a abordar as causas estruturais dos incendios e revise en profundidade os obxectivos do plan forestal da Xunta do ano 1992″, conclúen.

ÚLTIMAS

40 axentes homenaxean a un compañeiro da Garda Civil que estivo un ano nun hospital tras un atropelo

Preto de 40 axentes da Garda Civil e numeroso persoal do Hospital Vithas...

Juan Carlos I chega de novo a Peinador para regatear en Saxenxo

Tal e como se esperaba, o rei emérito Juan Carlos I aterrou este mércores...

O PP critica que Caballero non explicase as súas “chapuzas e irregularidades” tras un ano do concerto de Guns N’Roses

O PP de Vigo lamentou que pasase xa un ano do concerto do grupo Guns N'Roses...

Arquivan a causa contra o chofer do autobús accidentado en Cerdedo-Cotobade onde faleceu un rapaz de Nigrán en 2022

O xulgado de instrución número 1 de Pontevedra ditou o sobresemento da causa contra...