InicioMedio Ambiente e PatrimonioOs colexios Mestre Goldar e Canicouva celebran o Día Mundial dos Humedais

Os colexios Mestre Goldar e Canicouva celebran o Día Mundial dos Humedais

PUBLICADO O

O alcalde de Vigo visitou este martes a xornada organizada polo goberno da cidade no parque de Castrelos para conmemorar o Día Mundial dos Humedais, con 120 alumnos dos colexios Canicouva e Mestres Goldar.

En declaracións aos medios, o alcalde explicou que esta iniciativa procura trasladar ao alumnado do Mestres Goldar e do Canicouva os valores medioambientais das zonas húmidas e a súa importancia na preservación da biodiversidade.

Caballero e os nenos no Día dos Humedais/ Miguel Núñez

De forma lúdica e participativa, os monitores explicaron aos escolares as características destes espazos como ecosistemas, a súa flora e fauna, e as especies autóctonas e invasoras, ademais de cuestións particulares do parque de Castrelos.

Caballero e os nenos no Día dos Humedais/ Miguel Núñez

No tocante ao parque, o alcalde avanzou que o goberno vigués traballa nun censo da fauna existente en Castrelos, que é “extremadamente rica”, e puxo en valor a recuperación das zonas húmidas coas que Vigo conta, entre a que destacou a da Bouza.

Caballero e os nenos no Día dos Humedais/ Miguel Núñez

A cidade ten 314.000 m2 de humedais, sendo os máis salientables os da Bouza, Goberna, Muiños, O Vao, Fontes-Pertegueiras, Barreiro e a Xunqueira do Lagares, este último de auga salgada. Caballero tamén falou en inglés aos cativos e recordoulles que Castrelos é “o mellor parque do mundo”.

 

Caballero e os nenos no Día dos Humedais/ Miguel Núñez

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...