A patrulla do Seprona da Guardia Civil de Cangas (Pontevedra) denunciou a unha veciña da localidade pontevedresa de Vilaboa por infrinxir a Lei 4/2917 de protección e benestar animal de Galicia ao manter aos seus cans atados “de forma permanente limitándolles os movementos que lle son necesarios durante a maior parte do día”.
Os axentes do Seprona comprobaron que a muller tiña 14 cans e que dez deles estaban encadeados “de forma permanente”, as vinte e catro horas do día e que carecían da documentación do correspondente microchip obrigatorio.
Segundo trasladou o Instituto Armado, estes animais tampouco figuraban inscritos no ‘Rexistro Galego de Núcleos Zoolóxicos’, como se indica ao superar a cantidade estipulada de cinco cans.
Ao mesmo tempo, segundo informou a Guardia Civil, formuláronse varias denuncias por distintas infraccións administrativas relacionadas principalmente cos rexistros documentais e microchips, que foron remitidas á Delegación Provincial da Consellería de Medio Ambiente e Desenvolvemento Sostible da Xunta.
