InicioSociedadeXunta e Porto de Vigo analizan vías de colaboración para avanzar na...

Xunta e Porto de Vigo analizan vías de colaboración para avanzar na loita contra o cambio climático

A Autoridade Portuaria forma parte desde setembro de 2022 da Alianza Galega polo Clima, unha iniciativa promovida pola Xunta que reúne esforzos que permitan situar a Galicia á cabeza das rexións europeas na loita contra o quecemento global.

PUBLICADO O

A vicepresidenta seguda e conselleira de Medio Ambiente, Territorio e Vivenda, Ángeles Vázquez, e o presidente da Autoridade Portuaria de Vigo, Carlos Botana, acordaron seguir desenvolvendo vías de colaboración para avanzar na loita contra o cambio climático. Nunha reunión celebrada na tarde deste martes e da que informou a Xunta nun comunicado, ambas as autoridades coincidiron na necesidade de aproveitar as sinerxías comúns para impulsar proxectos conxuntos no contexto da defensa do medio ambiente e a sustentabilidade.

De feito, tal e como sinalou a vicepresidenta segunda, a Autoridade Portuaria forma parte desde setembro de 2022 da Alianza Galega polo Clima, unha iniciativa promovida pola Xunta que reúne esforzos que permitan situar a Galicia á cabeza das rexións europeas na loita contra o quecemento global.

A maiores, Ángeles Vázquez puxo en valor o compromiso da entidade neste ámbito coa implementación de medidas como o cálculo da Pegada de Carbono ou o desenvolvemento dunha ferramenta propia capaz de medir tanto as emisións propias como as xeradas pola actividade dos usuarios e concesionarios do porto de Vigo.

Nesa liña, a conselleira valorou o anuncio que lle trasladou o presidente da Autoridade Portuaria sobre a creación dunha oficina de cambio climático que dea asesoramento ás empresas en materia de descarbonización co obxectivo de seguir traballando no proxecto de Porto Verde cero emisións. Durante o encontro tamén abordaron cuestións como a aposta polos novos combustibles, as enerxías renovables e a captación de CO2 da man do proxecto Peiraos do Solpor.

PLISAN

Ademais, Ángeles Vázquez e Carlos Botana analizaron a evolución das obras do apartadoiro ferroviario da Plataforma loxístico industrial Salvaterra – As Neves (Plisan), que ten como obxectivo que todas as empresas emprazadas nesta área industrial poidan utilizar o tren para a subministración de materias primas, compoñentes e a distribución posterior dos produtos, xa que permitirá operar trens lanzadeira co porto de Vigo.

Este apartadoiro, que disporá dunha lonxitude de vías de 750 metros, enmárcase no proxecto de dotar á Plisan dun Centro intermodal de transportes, que permita conectar a que está chamada a ser a gran zona de actividades loxísticas da eurorrexión Galicia-Norte de Portugal coa liña ferroviaria que transcorre pegada á mesma.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...