“Os golpes de calor acompañan a noticia das altas temperaturas, pero cando os “golpes de calor” os sofren traballadores, todos deberemos preocuparnos en que condicións traballan, e se traballan no transporte de mercadorías perigosas, a preocupación debe converterse nunha alerta”, subliñan desde a CIG Porriño.
Advirten dende o sindicato de que “o pasado luns día 6 dous traballadores sufriron golpes de calor, un deles acudiu ao médico a primeira hora estando de descanso, despois de queixarse durante toda a semana, quedando impedido para o traballo; o outro tivo que ser asistido por unha ambulancia na área de servizo da Cañiza, en xornada laboral e cun camión cargado de combustible, sendo trasladado a un centro do Sergas”.
Ambas traballadores pertencen á mesma empresa, unha das subarrendadas do centro de traballo de O Porriño de Panvelpa, transportista de Repsol á que, aseguran desde a CIG, “se lle permiten subarrendamentos co único fin de abaratar custos e, por suposto, acrecentar beneficios. Así foi o proceso polo que no 2016 foron despedidos 5 condutores de Panvelpa e substituídos por 8 condutores desta empresa subarrendada”.
“TOdos temos na retina o accidente da estrada italiana”
As condicións nas que traballan os condutores das subarrendadas resúmense nunha palabra para o sindicato, “sobreexplotación”: “Con xornadas de inicio a fin nestes meses de até 15 horas, con camións aos que se lle retirou o aire acondicionado (para reducir consumos) e con cabinas que ás 10 da noite, cando se usan para durmir, continúan con temperaturas de 45º, o cóctel perfecto para minguar as mellores condicións físicas de calquera persoa”.
Todo, denuncia a CIG, “en detrimento da seguridade de quen traballa e de todas aquelas persoas que tamén poidamos andar pola vía pública”. A CIG puxo en coñecemento da Inspección de Traballo esta situación, “pois todos temos na retina o recente accidente nunha autoestrada italiana, como para non preocuparse….”
En Andalucía no hemos llegado a lo del aire acondicionado, pero yo es raro que no tengo programada una jornada de 14 horas
En Bizkaia vamos mejor los que trabajamos para la contrata, pero si que es cierto que se despidió a trabajadores para sustituirlos por subarrendados y otras artimañas para reducir costes.