InicioVigo e contornaO PorriñoO PP recupera a Alcaldía do Porriño ao non sumar maioría a...

O PP recupera a Alcaldía do Porriño ao non sumar maioría a esquerda e absterse UDDL

Abstívose o único concelleiro de UDDL, Manuel Carrera.

PUBLICADO O

- Advertisement -

O PP recuperou a Alcaldía do Porriño tras seis anos nos que estivo liderada polo PSOE ao non sumar maioría a esquerda e absterse o único concelleiro de UDDL, Manuel Carrera, e un mes despois da dimisión da que repetiu como rexedora en 2019, a socialista Eva García de la Torre.

Tras unha votación secreta realizada no pleno de investidura, celebrado na tarde deste xoves, o portavoz do PP na corporación municipal, Manuel Alejandro Lorenzo, asumiu a Alcaldía cos votos do oito concelleiros do seu grupo.

Ao depositar o seu voto na urna, o edil de UDDL explicou que o seu voto foi unha abstención ao non presentarse como candidato o socialista David Alonso, a quen na súa intervención sinalou como “a única persoa que pode facer fronte aos problemas do Porriño”. Pola súa banda, a candidata socialista, Lourdes Moure, solicitou oito votos, os catro do seu grupo, os dous do BNG e os dous das edilas de EU-SON.

Aínda que ambos os candidatos solicitaron o mesmo número de apoios, o popular Alejandro Lorenzo foi investido ao obter máis votos o seu partido nas pasadas eleccións municipais.

Esta situación prodúcese despois de múltiples enfrontamentos entre EU-SON e Eva García de la Torre, que levaron a que a primeira formación acordase facilitar unha moción de censura do PP. Para evitar que prosperase, o pasado mes a que fose rexedora desde 2015 presentou a súa dimisión.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...