InicioVigo e contornaO PorriñoLindano no Porriño: o silencio das administracións ante un material canceríxeno

Lindano no Porriño: o silencio das administracións ante un material canceríxeno

Ecoloxistas en Acción denuncia a falta de medidas de todas as administracións para atallar un problema que vén do século pasado.

PUBLICADO O

O lindano, un dos elementos máis contaminantes presentes na historia do medio galego, podería seguir afectando á área do Porriño. Así o veñen de apuntar dende a plataforma Ecoloxistas en Acción, que vén de lanzar un estudo sobre este composto contaminante no que aseguran que “segue sendo o presente dun legado tóxico”.

A ollos da plataforma, as conclusións do informe mostran a necesidade de “incrementar a vixilancia e establecer medidas de redución e eliminación” deste perigoso tóxico. Porén, a tónica imperante na xestión do composto segue a ser o “abandono da situación”, cando menos no caso galego, un dos máis afectados a nivel estatal por este químico tóxico e volátil que décadas atrás se empregaba como insecticida.

Ecoloxistas en Acción apunta directamente a varias das administración responsables da limpeza deste composto. Así, aseguran que despois de décadas de contaminación “a Xunta nin sequera cumpriu co prometido”, xa que carece aínda dun estudo exhaustivo do estado do solo nas parroquias porriñesas máis afectadas polo lindano esparexido por Zeltia a mediados do século pasado, entre 1947 e 1964.

Tamén gardan algún dardo para o Concello do Porriño, ao que afean ser “incapaz tan sequera de participar en Lindanet, o programa europeo para a descontaminación dos territorios afectados”. Non se salva tampouco o Ministerio para a Transición Ecolóxica. Denuncian, neste aspecto, que o seu organismo de cunca, a Confederación Hidrográfica do Miño – Sil permanece “impasible” ante a altísima concentración deste tóxico canceríxeno nas augas da súa competencia que, segundo a plataforma, reflicten o seus propios informes.

RECLAMAN ACCIÓNS “URXENTES”

De aí que a organización ecoloxista reclame á Xunta de Galicia, ao Concello de Porriño e a Confederación Hidrográfica do Miño – Sil accións “urxentes” que reduzan a exposición a un contaminante que “pon en grave risco a saúde humana, causando, á súa vez, unha considerable deterioración no medio ambiente”.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...